1
بـعـتـر ورق... لمـلـم ورق ...
هـوَّ أنت إيه؟!!....
قصـاقـيص ورق
قصـقص و لـزق
فـي الـصـور...
جايز تبـان من غـير قـلق
2
هنا جبـلايه و هنا جبـلايه
وهنا قرود و هنا قرود
هنا بـنضحك عـلـى نـُكـتايـه
من غـيـر نِـفـس...
وهنا بـنبـكي مَّ الـزومـبايه
وغَــم الـنِـفـس...
3
قـبـل الـسـكـوت.
من حـقـنا .. نفتـح شـبابيـك للـنهـار...
قبـل الـفنـاء في نـور فـنار
ياخـد بـايدنـا يـدلنـا...
علـى كـل صـوت.
4
أنـا قُـوس قُـزح...
أنـا سـبعـه لــون...
أنـا مـالتـي سيسـتـم
أنـا ...بـس أنـا
تلـمح ملامحي في الوشـوش المؤمنـه ..بـحق الـحـيـاه...
و صـوتي تسمعه في ابتسـامتك وفــ كـل آه...
روحـي طـايـره مرفـرفـه فوق مئـذنه
ترفع آدان غيـاب ليـالي مُـعتـمه....
كام بدايه فـ الحياه
بـ ناقبلها بألف لا...؟
وكام حكاية قافله بابها
بـ نفتحه ونعشق هواه...؟
لسّا عايشين ف امبارحنا
بـ ندادِيِـه الـلي جـارحنا
والمطارح هيّا هيّا...
وإحنا والله مَّ إحنا إحنا
وحلمنا جوانا تاه.
إمســحـي
خطــي وحــروفــــك
من سطــوري وعن كفــوفــك
واغفـــري لجُــبـنـي وخـوفــك
من غـــروب لـنهــــار شــَرَق
هــاتي مـــاضــي عيشـــنـا فيــه
هاتــي إيــدك هتــلاقــيــه
أذكـريــني واذكــريــه
وأوهــبـيــنـي لـلــ غــرق
وكل ذنبي إني هويتـك
واعترفت بحبي ليـكـي
وارتـويتـي من إيـديــَّا
والخريـف مالي إيديكي
يابـلاد العشـق مـالك
ايـه جـرالـك يا بــلادي
كنت طول عمري إمتدادك
دلوقتي مات فيكي إمتدادي
نفسـي أكون قـادر
أحلم ببُكره وأغادر
مينا أحــزانـي.
مَراكبي ...
صاحبت المينا
شِباكي ...
هـدّهـا الحيـنَ
شِراعي ...
عنيد بيـعـصانـي.
